Oxirat haqidagi suhbat inson qalbini yumshatadi, koʼpchilikni yerga yopishtirib qoʼygan moddaning ogʼir yukidan xalos etadi. Ular qadlarini rostlab, Аllohning manhaj- koʼrsatmalari yordamida hidoyat yoʼlidan yura boshlaydilar.Gaprish xususida malakaga ega boʼlgan kishilar, oxirat suhbatining taʼsirli boʼlishini yaxshi bilishadi. Zero, insonlar Qiyomatda Аllohga roʼbaroʼ boʼlishdan va U Zotning azobidan qoʼrqsalar, Uning rahmati va jannatiga intilsalar, albatta, ezgu ishlar sari yurib oqibat najot topadilar. Bu- Islom madaniyatining oʼziga xos xususiyatlaridandir.