Дигитален логопед има за цел да ја направи говорната терапија достапна во секое време.

Оваа апликација може да ја користат деца кои што посетуваат логопед како придружна алатка за секојдневно извршување на говорните вeжби или деца кои од одредени причини не се во можност да посетуваат логопед со физичко присуство а имаат потреба од говорен
третман.

Дигитален логопед нуди вкупно 5 различни програми и тоа:
- правилен изговор на гласот Р

- правилен изговор на гласот Л

- корекција на сигматизам (С, З, Ц, S, Ш, Ж, Ч и Џ)
- правилен изговор на плозиви (П, Б, Т, Д, К и Г)
- аудитивен тренинг (во изработка)

Целокупната содржина на апликацијата е подготвена од клинички логопед. Вежбите се состојат од прегледување на интерактивни видеа, извршување на барања, повротување на движења, потворување на зборови и реченици.

Овие вежби се наменети за изучување на правилената позиција на говорните органи за времена говорење но и за стимулација на
целокупниот говор, мисловно поврзување, аудитивното процесирање и разбирање на слушнатиот говорот. Со помош на оваа апликација децата ќе можат од своите домови, секојдневно да ги повторуваат потребните говорни вежби, што е од голема важност за успешнна корекција на говор.
Апликацијата е лесна за раководење дури и за најмалите. Сепак поради големиот број на совети и препораки кои што се наменети и за возрасните се препорачува оваа апликација детето да ја користи во придружба со родител, старател или терапевт.

Оваа апликација не е создадена да го замени местото на говорниот терапевт туку напротив со заедничка имплементација да се зголеми ефикасноста на говорниот третман. Затоа нашиот тим неуморно работи и подготвува програми за повеќе категотии на говорно-јазични проблеми.

Наскоро од дигитален логопед:
- програма за аудитивен тренинг - наменета за лицата со слушни помагала

- третман за пелтечење - техника за говорење кај деца и возрасни

- говорена терапија за афазија - реставрација на говор после мозочен удар

Апликацијата сдржи говорни третмани за правилно изучување и корекција на гласови. Содржината е соодветна за деца од 4 до 8годишна возраст.