यस आदर्श माध्यमिक विद्यालय ,देउपुर,देउखुरी,दाङ्ग जिल्लाको सदर मुकाम घोराही देखि २५ कि.मी. दक्षिण, पूर्व–पश्चिम राजमार्गसँग जोडिएको लमही वजारको नजिकै लमही नगरपालिका वडा नं. ६ मा पर्दछ । यस विद्यालयको स्थापना गर्नमा यहाँका स्थानीय जनताहरुको अहम भूमिका रहेको छ । सर्वप्रथम साविकको चैलाही गा.वि.स. वडा नं. ३ का जनताहरुद्वारा चन्दा संकलन गरी २०३० सालमा यस क्षेत्रका समाजसेवी स्व. रामलौटन चौधरीको सक्रियतामा सानो झुपडी वनाइ अस्थायी रुपमा विद्यालय सञ्चालन गरियो । वि.सं. २०३३ सालमा प्राथमिक विद्यालयका रुपमा स्वीकृति पाइ संचालन भएको यो विद्यालय लामो समय सम्म प्राथमिक विद्यालयकै रुपमा रह्यो । तत्कालीन अञ्चलाधीशले आदर्श टोलवस्ती विकासको अवधारणा यस क्षेत्रमा ल्याएको र त्यसै स्थानमा विद्यलयको स्थापना हुन गएकोले विद्यालयको नामाकरण आदर्श राखिएको पाइन्छ । गाउँका जनताद्वारा चन्दा संकलन गरी विद्यालयको संस्थापक स्व. रामलौटन चौधरी र तत्कालीन प्र.अ. श्री हरि नारायण चौधरीले झुपडी वनाएको जग्गा १ विगहा ९ कठ्ठा १७ धुर विद्यालयको नाममा दर्ता भएकोछ ।