ߌߞߏߡߌ߲߬ ߸ ߊ߬ ߘߏ߰ߣߍ߲߬ ߕߍ߫ ߡߐ߰ ߛߌ߫ ߡߊ߫ ߓߌ߬ ߸ ߞߏ߫ ߟߐ߲ߞߏ ߣߌ߫ ߟߐ߲ߞߏߘߐߦߊ ߣߌ߫ ߛߋߒߞߏߟߊ ߛߋߒߞߏߟߊߘߐߦߊ ߓߘߴߊ߬ ߞߐ߬ߓߊ߬ ߥߦߏ ߞߍ߫ ߘߎߢߊ߫ ߛߟߋߞߋ߫ ߣߊ߯ߣߌ߲ ߓߍ߯ ߘߐ߫، ߞߊ߬ ߖߊ߯ߓߊ ߝߋ߲߫ ߓߍ߯ ߓߌ߬ߟߊ߬ ߢߐ߲߮ ߡߊ߬ ߸ ߝߴߏ߬ ߓߘߊ߫ ߖߊ߯ߓߊ ߞߍ߫ ߛߏߣߍ߲߫ ߞߋߟߋ߲߫ ߔߋ߫ ߘߌ߫. ߊ߬ ߟߐ߲߫ ߞߐ߫ ߡ ߛߊ߬ߓߊ ߓߟߏ߫ ߸ ߞߏ߫ ߒߞߏ ߣߌ߫ ߡߊ߲߬ߘߋ߲߬ ߠߊߥߙߎߞߌ߫ ߣߌߘߐߕߊ ߘߏ߫ ߟߋ߬ ߒߞߏ ߟߊߓߊ߯ߙߊ ߘߌ߫ ߟߐ߲ߞߏ ߣߌ߫ ߟߐ߲ߞߏߘߐߦߊ ߣߌ߫ ߛߋߒߞߏ ߣߌ߬ ߛߋߒߞߏߟߊߘߐߦߊ ߣߌ߫ ߡߟߋߞߎߦߊ ߓߍ߯ ߘߐ߫ ߸ ߊ߬ ߞߊ߬ ߢߍߛߌ߲߫ ߛߋߒߞߏߟߦߊ ߓߊ߯ߙߊ ߟߎ߬ ߟߴߏ߬ ߟߋ ߘߐ߫، ߣߊߟߌ߬ߡߎ߲߫ ߥߟߊߟߌߟߊ߲߫ ߠߊߘߊ߲ ߣߌ߫ ߖߌ߬ߦߊ߬ߖߟߎ߬ ߛߏ߯ߙߏ߫ ߣߌ߫ ߖߌ߬ߦߊ߬ߓߍ ߟߎ߬ ߊ߬ ߣߌ߫… ߏ߬ ߢߍߛߐ߲߫ ߘߏ߫ ߟߋ߬ ߒߞߏ ߞߊ߲ߠߊߛߓߍ ߟߥߊߟߌߟߺߊ߲ߡߊ ߣߌ߲߬ ߘߌ߫ ߸ ߣߴߏ߬ ߦߋ߫ ߖߌ߬ߦߊ߬ߓߍ ߟߎ߬ ߛߏ߯ߙߞߏ߫ ߢߌߡߊ߫ ߡߊߛߓߍߣߍ߲߫ ߘߌ߫ ߒߞߏ ߛߓߍߛߎ߲ ߘߐ߫. ߞߊ߲ߠߊߛߓߍ ߣߌ߲߬ ߘߐ߫ ߸ ߡߐ߰ ߘߌ߫ ߛߋ߫ ߊ߬ ߞߎߡߊߢߐ߲߮ ߛߓߍߢߐ߲߯ߦߊ߫ ߟߊ߫ ߸ ߤߊߟߌ߬ ߸ ߊߟߎ߬ ߡߊ߫ ߛߓߍߟߌ߫ ߞߍ߫ ߸ ߓߊߏ߬ ߸ ߖߌ߬ߦߊ߬ߓߍ ߟߎ߫ ߟߋ߬ ߕߊ߬ߣߍ߲߫ ߞߊ߬ ߛߓߍߟߌ ߞߍ߫ ߏ߬ ߟߎ߫ ߞߐߞߊ߲߬ ߸ ߞߊ߬ ߓߍ߲߬ ߡߙߌߦߊ ߣߌ߫ ߡߙߌߣߊ߲ ߠߎ߫ ߡߊ߬، ߊ߬ ߝߣߊ߫ ߛߏ߯ߙߏߣߍ߲߫ ߞߎߡߦߊ߫ ߟߎ߫ ߟߋ߬ ߟߊ߫ ߸ ߞߎߡߟߊ ߣߌ߫ ߗߋߛߓߍߟߊ ߡߊ߬ߞߏ ߦߋ߫ ߡߍ߲ ߠߎ߬ ߟߊ߫ ߕߎ߬ߡߊ ߓߍ߯ ߣߌ߫ ߡߊ߬ߘߎ߮ ߓߍ߯ ߘߐ߫ ߸ ߦߏ߫: ߝߏ߬ߟߌ ߣߌ߫ ߝߏ߬ߟߌ߬ ߟߊߡߌߣߊ ߣߌ߫ ߞߎߟߎ߲ߖߋߟߌ ߣߌ߫… ߊ߲ ߞߏ߬ߣߌ߲ ߟߊߣߍ߲߫ ߊ߬ ߟߊ߫ ߞߊ߬ ߘߍ߲߬ߞߣߍ߬ߦߊ߬ ߞߏ߫ ߒߞߏ ߞߊ߲ߠߊߛߓߍ ߣߌ߲߬ ߘߌߣߊ߬ ߞߍ߫ ߜߟߏ߬ߝߌ߲ ߠߎ߬ ߣߌ߫ ߡߊ߲߬ߘߋ߲߬ߞߊ ߟߎ߬ ߣߌ߫ ߒߞߏ߫ ߞߊߙߊ߲ߠߊ ߣߴߊ߬ ߞߊ߬ߣߌ߲߬ߓߊ߮ ߣߴߊ߬ ߞߐߡߊߓߌ߲ߓߌ߲ߓߊ߮ ߓߍ߯ ߟߊߘߍ߬ߣߍ߲ ߘߍ߬ߡߍ߲߬ ߝߋ߲ ߘߌ߫ ߗߋߛߓߍߢߐ߲߯ߦߊ ߘߐ߫ ߓߟߐߟߐ ߛߌߟߊ߫ ߝߍ߬، ߊ߬ ߣߌ߫ ߒߞߏ ߟߊߥߙߎߞߌ ߣߴߊ߬ ߟߊߖߊ߲ߞߏ ߣߴߊ߬ ߛߘߊߟߊߟߌ ߟߐ߲ߞߏ ߞߊ߲ߡߊ ߘߐ߫. ߡ ߛߊ߬ߓߊ ߢߌߣߌ߲ߣߍ߲߫ ߓߍ߯ ߟߊߘߍ߬ߣߍ߲ ߠߊ߫ ߘߍ߬ߡߍ߲ ߡߊ߬ ߛߊߞߍߟߌ ߣߌ߫ ߡߊ߬ߞߕߌ߬ߟߌ ߟߎ߬ ߘߐ߫ ߸ ߖߐ߲߬ߛߊ߫ ߸ ߓߐߞߏߣߊ߲߫ ߞߎߘߊ ߟߎ߬ ߘߌ߫ ߟߊߢߊ߬ ߸ ߞߵߊ߬ ߞߍ߫ ߡߊ߲߬ߘߋ߲߬ߞߊ ߟߎ߫ ߛߊ߬ߥߏ ߘߌ߫، ߊ߬ ߝߣߊ߫ ߢߌߣߌ߲ߠߌ߲߫ ߓߍ߯ ߟߊ߫ ߘߍ߬ߡߍ߲ ߡߊ߬ ߣߊ߬ߝߟߏ߬ߞߏ ߡߊ߬ߝߊ߲ ߝߍ߬ ߸ ߞߏߛߊ߫ ߸ ߊ߲ ߘߌ߫ ߛߋ߫ ߖߊ߬ߕߋ߬ߘߐ߬ߛߌ߯ߓߊ ߟߎ߬ ߓߟߏߦߊ߫ ߟߊ߫ ߡߊ߲߬ߘߋ߲߬ ߠߊߥߙߎߞߌ ߘߐ߫. ߞߎߟߎ߲ߖߋߟߌ ߣߌ߫ ߥߊߟߌߢߌ߲ߡߊߟߐ߲ ߦߋ߫ ߒߞߏ ߞߊ߲ߠߊߛߓߍ ߟߊߓߊ߯ߙߊߓߊ߮ ߓߍ߯ ߟߊߘߍ߬ߣߍ߲ ߡߊ߬ ߞߐߘߍ߫