Bienveni lor kwiz kreol.

Kwiz kreol se premie zwe interaktif an Kreol Morisien ki servi lortograf standar. Li enn zwe amizan, informatif ek lidik ki pou permet zot aprann Kreol Morisien dan enn fason bien fasil.

Kwiz kreol se enn zwe aksesib ek ki pou atir bann zenes, bann adilt ek mem bann zanfan. Ena plizir nivo, enn gran varyete kestion, laplipar avek bann ilistrasion, ki fer zwe-la pli kaptivan.

Ena ousi bann indis ki pou ed zot trouv bann mo-la pli fasilman. So bann diferan kategori kouma Spor, Obze, Metie ek Devinet rann zwe-la ankor plis divertisan.

Zot kapav zwe li tousel, a-de ou a-plizir. Zot kapav ousi invit zot kamarad, fami, koleg pou zwe ek lans bann defi.

Amiz zot!