“Sağlam yaşamaq üçün” kitabının ərsəyə gəlməsinə səbəb bugünkü akademik təbabətdə olan boşluqlar və ənənəvi müalicənin əsasən sovet dövründən qalma reseptlər əsasında qurulmasıdır.
Azərbaycan elə bir əlverişli coğrafi mövqedə yerləşir ki, həm Avropa, Asiya və Şərq ölkələrinə, həm də Rusiyaya birbaşa çıxışı var. Elə bu səbəbdən də Azərbaycanda fitoterapiya slavyan, Avropa və Şərq ölkələri, xüsusən də Çin mənbələrinə istinad edir. Bunlarla yanaşı dinimizdə olan, Peyğəmbərimizdən (səlləlləhu aleyhi vəsalləm) gələn reseptlərdən geniş istifadə edirik.