“Бізге айтылмаған ҚҰПИЯ” – көптеген кітаптарда жазыла бермейтін, адамдармен талқылана бермейтін тақырыптарды қамтиды. Себебі, қазіргі таңда басым болып кеткен мотивациялық “сен мықтысың”, “сенің қолыңнан келеді”, “сен күштісің” деген форматтан басқа да, біз үшін əлі жауабы табылмаған қаншама сұрақтар, сыры ашылмаған тақырыптар бар. Жеңіс, табыс, бақытты өмір, өз жолыңды табу сияқты мəселелердегі сол бір кірпішті өз тетігіне қалап, бос орындарды толтыру мақсатында бұл кітап жазылған. Абай Құнанбаев айтқандай, бұл өмірде кетігіңді тауып қалануға көмегін орасан зор тигізетін құрал. Қуаныш Шонбайдың екінші туындысы. Алғашқы кітабы - “Екінші болманың” жалғасы емес! Иə, “Екінші болманы” толықтырады, ашады, бірақ жалғасы емес! Сондықтан да, “Екінші болманы” оқымасаң да оны түсінесің. Бұл кітап – жолы, тарихы мен миссиясы бөлек туынды.