الكلمات
ياجمال الليل باطراف المدينه
ياخيال الشعر وحروف الادب

خاطري مشحون وعيوني حزينه
من شفاه صمت وبصدري عتب

غيبتك غربه لو جروحي دفينه
في الضماير نار وضلوعي حطب

المفارق ضامني تبت يدينه
والدموع مغرقه جفن وهدب

بلشت الحي وحكايه ساكنينه
حركت فيني هواجيس المحب

انت ياقوت البحر دره ثمينه
مبعده وانا من البحر اقترب

انت ايه في الجمال وعاشقينه
انت عطر انفاس واحساس وتعب

فيك زول الريم وجفاله وعينه
والفكر مشغول والعقل انسلب

الذهب ماله ثمن ياصايغينه
حتى لو هو يحترق يبقى ذهب