ಆಂಡ್ರಾಯ್ಡ್ ಕದಲುಲಿ ಬಳಕೆಗಳ ಸಂಗ್ರಹದಂಗಡಿಯಲ್ಲಿ (playstore) ದೊರಕುವ, ಬಹಳಷ್ಟು ವಚನಗಳ ಬಳಕೆಗಳನ್ನು ಬಳಸಿನೋಡಿದಾಗ ಅವುಗಳಲ್ಲಿ ಏನಾದರೊಂದು ತೊಡಕುಗಳಿದ್ದು ಅದರಿಂದ ಬೇಸತ್ತು, ಒಬ್ಬ ಸಾಮಾನ್ಯ ವಚನ-ಸಾಹಿತ್ಯಾಕಾಂಕ್ಷಿಯಾಗಿ ಹುಡುಕುವಾಗ ನನಗೆ ಅನಿಸಿದ್ದ ಬೇಕುಗಳನ್ನೆಲ್ಲ ಸೇರಿಸಿ, ಬೇಡಗಳನ್ನೆಲ್ಲ ನೀಗಿಸಿ, ಬಹಳಷ್ಟು ಜಾಲತಾಣಗಳಿಂದ ಬಹುದಿನಗಳಿಂದ ಕಲೆಹಾಕಿ ಮಾಡಿದ ಬಳಕೆಯಿದು.

ಇದರಲ್ಲಿ ಯಾವುದೇ ವಿಳಂಬರಗಳ ತೊಡಕಿಲ್ಲ, ಬೇಡದ-ಬೇಡದವರ ಅನಿಸಿಕೆ-ಅಭಿಪ್ರಾಯಗಳಿಲ್ಲ. ಒಲ್ಲದ-ಒಗ್ಗದ ಅನಿಷ್ಠ ಸಮಯಾಚಾರಿಗಳ ಹೇರಿಕಾಭಾಸವಿಲ್ಲ. ಅಪ್ಪಟ ಶಿವಶರಣರ ಮೂಲ ವಚನಗಳನ್ನು ಆದಷ್ಟು ಯಥಾವತ್ ರೂಪದಲ್ಲೇ ಒದಗಿಸುವ ಕಿರುಪ್ರಯತ್ನ .

ಇದೊಂದು ವಚನಗಳ ಹೆವ್ವೊಕ್ಕಣೆ - ಇದರಲ್ಲಿ ಸುಮಾರು ಇನ್ನೂರಕ್ಕೂ ಹೆಚ್ಚು ಶಿವಶರಣರ ಇಪ್ಪತ್ತುಸಾವಿರಕ್ಕೂ ಹೆಚ್ಚು ವಚನಗಳನ್ನು ಕಲೆಹಾಕಲಾಗಿದೆ. ಯಾವುದೇ ವಚನಕಾರ ಅಲ್ಲವೇ ಅವರ ಅಂಕಿತನಾಮ ಅಲ್ಲವೇ ಅವರ ವಚನ(ಗಳ) ಕುರುಹು-ತುಣುಕುಗಳನ್ನು ಬರೆದು ಹೆಚ್ಚು ಮಾಹಿತಿ ಅಲ್ಲವೇ ಪೂರ್ಣ ವಚನವನ್ನು ಸುಲಭವಾಗಿ ಹುಡುಕಲು ಒದಗಬಲ್ಲ ಬಳಕೆ ಇದು.

ವಚನದ(ಗಳ)ಲ್ಲಿನ ತಿಳಿಯದ ಪದಗಳ ಕಿರು-ಧಾತುವನ್ನು(ಪದದ ಮೊದಲ ಕೆಲವು ಅಕ್ಷರಗಳನ್ನು) ಆರಿಸಿ(ಅಕ್ಷರಗಳ ಮೇಲೆ ಒತ್ತಿಹಿಡಿಯುವುದು ಅಲ್ಲವೇ ಎರಡು ಬಾರಿ ತಟ್ಟುವುದು) ಅದರ ಅರ್ಥವನ್ನು ("ನಾನಾರ್ಥ" ಆಯ್ಕೆಯನ್ನು ಆಯ್ದು) ಸುಲಭವಾಗಿ ತಿಳಿಯಬಹುದಾಗಿದೆ.

ವೀರಶೈವ ಸಮಯಾಚಾರಕ್ಕೆ ನನ್ನಿಂದ ಸಾಧ್ಯವಾಗಬಹುದಾದ ದಾಸೋಹಗಳಾವುವು ಎಂದು ಆರಾಯುವಾಗ ಹೊಳೆದುದೇ ಈಬಳಕೆಯಾಗಿ ಪರಿಜುಪಡೆದು ಮೈತಾಳಿದೆ. ಈ ಬಳಕೆಯಲ್ಲಿ, ಬಳಕೆ ಒದಗಿಸುವ ಮಾಹಿತಿಯಲ್ಲಿ - ಯಾವುದರಲ್ಲಿಯಾದರೂ, ಏನೇ ಆದರೂ ತಪ್ಪಿದ್ದಲ್ಲಿ ನನ್ನ ಮಿಂಚಂಚೆಗೆ [email protected] ಬರೆದು ತಿಳಿಸಬೇಕಾಗಿ ಕೋರಿಕೆ.