الكلمات

البارحه مرت وانا آون وآصيح
هلّت على فرقا الولايف دموعي

دمع الغلا ماهو بدمع التماسيح
هلت دموعي مثل دمع الجزوعي

ذبحتني وانا بعيد المشاويح
بيحت سدي غصب ماهو بطوعي

للشوق في صدري شجون وتباريح
تسمع تناهيدي على راس كوعي

صوتي جذب نبض القلوب المجاريح
الشوق سيفي والمحبه دروعي

يكفي عذاب وضيق خاطر وتجريح
زود على ذا الحال عادك قطوعي

القلب طير ورمش عينك ملاويح
خطر على قلبي يمزع ضلوعي

يوم الوداع تجدد الجرح ويسيح
تجدد جروحي وتخطي سنوعي

عزيز نفس آكابر شوي وآطيح
وأنا طبوع الحر تشبه طبوعي

بعد غيابك صعب للنفس ترويح
الدمع حسره والمفارق يروعي

بشاير العشاق للحب تصريح
لاطاحت صروحي وذابت شموعي

ياصاحبي لاماك تحتاج تصحيح
والخوف من فرقاٍ بليا رجوعي

اما تعال وعانق الشيح ب الشيح
في ليلة تخلف ظنون القنوعي

والا اشتر الأكفان واطف المصابيح
واغسل بقايا جثتي من دموعي

واخذ الوصاة وردّ خطّافة الريح
موت العزيز ، ولا حياة الخضوعي

يوم الوداع تجدد الجرح ويسيح
تجدد جروحي وتخطي اسنوعي

للشوق في صدري شجون وتباريح
تسمع تناهيدي على راس كوعي