بلوچی بتل ءِ اے ایپلی کیشن بلوچی دود ءُ ربیدگ ءِ زانشت ءَ ڈیجیٹل زمانگ ءَ آرگ ءِ یک جہد ءُ کوششت یے، اے درستیں بتل کہ اے ایپ ءَ دیگ بوتگ انت اِش واجہ امان اللہ غازی ءِ «لال ءُ یاقوت» ءُ شے رگام (جان محمد دشتی) ءِ «بتل ، گوٛشتن ءُ گالبند» ءِ کتاباں چہ زورگ بوتگ انت کہ دوئیں کتاب بلوچی اکیڈمی ءَ چھاپ کتگ انت۔ اے ایپ ءَ بتلانی ڈیجیٹل دروشم ءَ دیما آرگ ءَ چہ بلوچی اکیڈمی ءَ رزا زورگ بوتگ ۔

اے درستیں مواد دوئیں کتابانی نبشتہ کار ءِ مڈی انت اسل ھق ءُ مُز پہ ھماہاں انت۔ اگں اے کتاب یا موادانی بابت ءَ گیش سرپدی پکار بیت گڑا کتاب ءِ اسل واجہ ءَ گوں رھوت بکن اِت۔


مئے مول ءُ مراد بلوچی زبان ءِ ڈیجیٹلائزیشن کنگ ءَ وتی بہر ءِ مان کنگ انت، آئی ءِ زبانی ءُ لبزانکی ربیت ءَ پہریزگ ءُ نوکیں ٹیکنالوجی ءِ زمانگ ءَ دیمروئی دئیگ انت۔ اے ایپ ءِ وسیلہ ءَ ما وانندہ ، نبشتہ کار ءُ بلوچی ءَ گوں ھُب ءُ واھگ داروکیں مردمانی کمک ءَ کنگ لوٹ انت۔

منّت وار، سلامت بات ئے۔


[tags]
Balochi batal / Balochi Proverbs / بلوچی بتل