حضرت امام مهدي عجل الله فرجه
ظهور جي جلدي ٿيڻ جي دعا ڪثرت سان ڪندا ڪريو، ڇو جو اهو ئي توهان جي مشڪلات جو حل آهي. (اڪمال الدين، ج2، ص485)
امام زمانه عجل الله تعالي فرجه جي جلدي ظهور لاءِ دعا گهرڻ جا تمام گهڻا فائدا آهن، جن مان ڪجھ هي آهن: زماني جي امام کي ياد ڪرڻ، ساڻن تجديد بيعت ڪرڻ، اهل بيت عليهم السلام سان محبت ۽ مودت کي ظاهر ڪرڻ، وغيره. سڀني کان اهم هي ته روايتن مطابق اسان جڏهن انهن لاءِ دعا ڪريون ٿا ته هو به اسان لاءِ دعا ڪن ٿا. ان بنياد تي اسان به انهن جي قبول ٿيندڙ دعا ۾ شامل ٿي سگهون ٿا. دعاءِ فرج جي انهي اهميت کي نظر ۾ رکندي هي ايپليڪيشن بڻائي وئي آهي.