الديوان ده إهداء لكل الطيبين ..
ضحايا الوحده و التفكير و القلق من كل حاجه ..
إهداء للي مستنيين ان بكرة يطبطب عليهم ..
وان الدنيا تصالحهم وان ربنا ياخد بايدهم
عشان يعدوا الأيام الصعبه دي ..
إهداء لكل اللي بيدوروا علي حد مؤمن بيهم قبل ما يحبهم .. وحد يحبهم قبل ما يحبوه .. حد يستوعب إنهم عباره عن كتلة مشاعر تتحب زي ما هي وخلاص .. حد يفهم ضعفهم ويحتويه .. ويشاركهم كل التفاصيل اللي ممكن تبان تافهه .. بس عندهم تساوي كتير أوي ..
اهداء للي صبرهم خلص بس متأكدين ان فيه حاجه هتحصل تغير حياتهم كلها للأحسن .. للي مستنيين حد يقولهم انه " مش هيمشي " ..
وانهم مش هيرجعوا لأيام للوحدة تاني ..
للي نفسهم " يطمنوا " بهديلكم ديواني السابع والأهم
اطمـنـي - مـحمـد
ديـوان اطمـنـي