"IQTISODIY ATAMALAR LUG'ATI" (keyingi o'rinlarda IAL deb yuritiladi) dasturi Android platformasidagi mobil vositalaridan foydalanuvchilar uchun mo'ljallangan kichik hajmdagi mobil dasturi bo'lib, uni ko'proq ta'lim sohasida va shaxsiy foydalanishda qo'llash mumkin.
Ushbu dastur mohiyati shundan iboratki, foydalanuvchi ushbu dastur yordamida iqtisodiy atamalarni izlab topishi va uning izohi (tavsifi) bilan tanishib olishi mumkin bo'ladi. Buning ahamiyatli jihati shundan iboratki, bu dastur O'zbekiston aholisining, ayniqsa yoshlarning iqtisodiy sohadagi bilim va salohiyatlarini oshirishga xizmat qiladi.
Dasturning yangiligi shundan iboratki, IAL bo'yicha mobil dasturlari, izlanishlar orqali aniqlanishicha, fikrimizcha bunday dastur ishlab chiqilmagan va foydalanish uchun keng ommaga taqdim etilmagan. Iqtisodiy atamalar bo'yicha internet tarmog'idan turli xil pdf formatidagi materiallarni topish mumkin, lekin mobil vositasi uchun apk formatidagi iqtisodiy lug'at hali yaratilmagan.
Ushbu dastur o'zining noan'anaviy ko'rinishiga (dasturchilar tilida "Dialog oyna" ko'rinish) ega. Shuningdek, bu dasturning tez ishlashini ta'minlash maqsadida dasturga kirish bilanoq yozuvlarni terish (keyboard) ishga tushadi. Bu foydalanuvchining o'zi xohlagan so'zini dasturga kirish bilanoq darxol izlab topishga zamin yaratadi. Dastur hozirgi kunda ommalashga Android Studio dasturi yordamida, java dasturlash tilida mualliflar (Xolmurodov S. va Rabbinov J.) tomonidan ishlab chiqilgan. Hajm jihatidan ham kichikligi (0.9 mb) ushbu dasturning yutuqli tomonlaridan biri hisoblanadi.
Ushbu dasturning bazasi (iqtisodiy so'zlar va ularning tavsifi) doimiy ravishda yangilanib, kengaytirilib boriladi va bu "Iqtisodiyot nazariyasi" fanidan o'tkazilgan olimpiadaning Respublika saralash bosqichida faxrli 1-o'rinni qo'lga kiritgan Xolmurodov Sunnatilla tomonidan muntazam ravishda amalga oshirilib boriladi .
Bu dasturni Google Play bozoridan quyidagi havola orqali yuklab olish mumkin bo'ladi:
https://play.google.com/store/apps/details?id=naqd.pulsiz.hisobkitob