PLATFORMA FORCA RINIA do jetë një organizim aktiv ku do të përmbledhë, artikulojë, do të japë alternativat zgjidhëse por edhe do marrë hapat konkretë për të zgjidhur problemet e shoqërisë. Njëkohësisht do të kontribuojë në kualifikimin dhe punësimin e qytetarëve që do të bëhen pjesë e kësaj platforme. Ndër të tjera platforma do të ndihmojë edhe njerëzit në pamundësi financiare me ushqime, rroba dhe ndihma të tjera.

Kjo platformë do të jetë një plan veprimi për Lëvizjen Forca Rinia për të ndihmuar qytetarët Shqiptarë duke u bazuar në parimet më të larta morale shoqërore dhe politike të lëvizjes duke qënë bashkë rrugëtuesi i tyre në plotësimin e kërkesave por dhe zgjidhjen e problematikave të përditshme. Kjo platformë do mundësojë për herë të parë në Shqipëri votimin e drejtëpërdrejtë të qytetarit, të projekt ligjeve në Kuvendin e Shqipërisë edhe të vendimeve në këshillat bashkiak të qyteteve.

Çfarë do të përfitojë një individ duke u bërë pjesë e
PLATFORMËS FORCA RINIA – DRITAN BROKA?

1.Do të përfitojë trajnime në fusha, përgatitje profesionale të ndryshme falas.

2.Pjesëmarrje në konferenca falas, si psh; konferenca biznesi, politike, sociale, etj.

3.Ndërmjetësim për punësim.

4.Ndihmë të vazhdueshme në ushqime, rroba apo nevoja të tjera për njerëzit në pamundësi financiare.

5.Ndihme juridike falas për çështje të ndryshme ligjore.

6.Mundësinë e konsultimit ose laburimit të ideve të ndryshme për shoqërinë, ekonominë, biznesin e ri, etj.

7.Mundësinë e shprehjes së zërit në strukturat më të larta të Republikës ose të Bashkisë përkatëse.

8.Votim të drejtpërdrejtë të projektligjeve në Kuvendin e Shqipërisë dhe të vendimeve të Këshillave Bashkiak ku do të kemi përfaqësues.

9.Ju mund të bëheni kandidat i “Forca Rinia” për Deputet, Këshilltar Bashkiak ose Kryetar Bashkie, për të përfaqësuar komunitetin tuaj.

9.Të bëhet pjesë e grupimit më të madh rinor në Shqipëri.