Die Voortrekkers is ’n kultuurbeweging wat die moderne Afrikaner, in besonder sy jeug, bemagtig om as positiewe Burgers en konsekwente Christene suksesvol te wees in hulle roeping tot diens.

Die Voortrekkers se metode vir leierskapontwikkeling is die kombinasie van Kultuur, Avontuur en Natuur (#KAN). Deur dié metode het Die Voortrekkers vir meer as tagtig jaar bewys ons KAN suksesvol diensbare leiers vir môre ontwikkel.

Die uitkomste van Die Voortrekkers se leierskapsontwikkeling is selfdoen-Vaardighede, waardegedrewe Antwoorde en die praktiese Toepassing daarvan. Hiermee VAT Voortrekkers die toekoms met selfvertroue.

Die Voortrekkers is gevestig op Christelike waardes en skep geleenthede om Christelike waardes toe te pas.