Njóttu þess að búa til skemmtilegar minningar á ferðalagi um Ísland um leið og þú styður við bakið á íslenskri ferðaþjónustu.

Ferðagjöfin er stafræn gjöf frá íslenska ríkinu sem er ætluð til að hvetja Íslendinga til að njóta einstakrar fegurðar landsins og um leið njóta þeirrar þjónustu sem ferðaþjónustufyrirtæki bjóða upp á.

Ef þú ætlar ekki að nota Ferðagjöfina, þá getur þú gefið hana áfram til einhvers sem þig langar til að gleðja og hvetja til að njóta. Um leið eykur þú líkurnar á að Ferðagjöfin skili sér og styrki ferðaþjónustuna.

Með því að hafa gjafabréfið í símanum þínum þarft þú ekki að hafa neinar áhyggjur af því að týna Ferðagjöfinni í skúffunni heima eða gleyma, því hún er alltaf með þér í símanum og tengd símanúmerinu þínu.

Góða skemmtun og njóttu Íslands.