Samarqand — mo‘ysafid Mashriqning qadimiy shahri. Bu azim shaharning dovrug‘i o‘zi singari ko‘hnadir. Garchi Samarqand «Sharif» unvoniga sazovor shaharlar safida bo‘lmasa ham, ammo u haqda ulug‘lovchi so‘zlarsiz mushohada yuritish nojoiz sanaladi. Samarqandning jug‘rofiy muhiti, obu havosi, ko‘rku tarovati, oltinga barobar tuprog‘i, o‘sha bebaho boyliklarni aziz bilib, ming yillar osha sharaflab kelgak tanti far-zandlari haqqi hurmati shuni taqozo etadi.